Ok achter de Kulissen is dat ümmer intressant:
Dree Rentners diskutieren, maken sick ´n Kopp un tüfteln för een Bühnenbild: Robert Gries, Willi Kuß und Horst Kiepsel
Horst Kiepsel, Willi Kuß, Bernd Rudolfs (vom Theater Wismar), Robert Gries  Antje Kurt, Astrid Kuß | |
 Marion Balbach as Toseggersch |  Marianne Zachow |
Robert Gries, Antje Kurt, Lisa Kuß während einer Vorstellung am InspizientenpultAuch Kurioses passiert
Ede erinnert sick:
Mit dat Stück "Ümmer Arger mit den' Döst" von Rudolf Korf harr´n wi würklich eens bannigen Arger.
Nich mit den' Döst. Willi un ick müssen kort nah Anfang von dat Stück mit een Schuuwkor - dorup een Kasten Bier un Paul Martens - von achtern quer dörch den' Saal kamen un uns denn so pöhapöh up de Bühn spälen. Hier in Wismer in de "Sünn" hett das ümmer allerbestens klappt un de Lüd hebben sick hoegt, wenn wi mit Gesang dörch den' Saal kemen.
Oewer in Proseken...
Up dat Stichwort för Willi un mi rögt un deht sick gor nix. Uns Maaten up de Bühn hebben Kreigenschiet räd un up unsen Uptritt töwt.
Willi Kuß, Erich Schuldt, Paul Martens in 'Ümmer Arger mit den' Döst'Wat wier passiert? De Kröger wull Willi un mi nich in den' Saal laten: "Meine Herren, ohne Schlips und Oberhemd kommen Sie hier nicht in den Saal - wir haben hier schließlich eine Kulturveranstahung."
Dat hett sien Tied duurt, un Willi hett bannig Oewertügungsarbeit leisten müsst, bet wi loskutschieren dörften.
Oewer dor kann nu eener seggen, wat he will - de Kröger harr ümmerhen een bannige Hochachtung för de Kultur - Un so eenen Minschen find't man nich alle Dag.
